کراچی (آن لائن)اسلامک فقہ اکیڈمی پاکستان کی فتویٰ کونسل کے ممبران نے ویلنٹائن ڈے منانے کو حرام قرار دیتے ہوئے اجتماعی فتویٰ جاری کردیا۔اسلامک فقہ اکیڈمی پاکستان کے ڈائریکٹر مفتی مصباح اللہ صابر نے کہا کہ اسلام ہمیں حیاداری اور پاکیزہ زندگی گزارنے اور اس طرح کی غیر اخلاقی کاموں سے بچنے کا حکم دیتا ہے۔

اسلام عشق مجازی اور بغیر نکاح کے محبت سے منع کرتا ہے کیونکہ یہ اخلاقی فساد کا ذریعہ ہے جس سے معاشرے میں اخلاقی تباہی پھیلتی ہے۔ مغربی تہذیب کی روایات کا اسلامی معاشرے میں رواج عام ہونا المیہ ہے۔ اسکولوں اور کالجوں اور عام معاشرے میں ہرسال 14فروری کو ویلنٹائن ڈے (Valentine day) کے نام سے یوم محبت منایاجاتا ہے،جس میں لڑکے لڑکیاں ایک دوسرے کو سرخ گلاب پیش کرکے محبت کا اظہا ر کرتے ہیں، ہم سمجھتے ہیں کہ یہ مغربی تہذیب کے شعائر میں سے ہیں اور بے حیائی کے ساتھ ساتھ اس کی ترویج و اشاعت کا حصہ بھی ہے۔شریعت اسلامیہ میں ہمیں اس باطل تہذیب کی پیروی اوراس کی نشرواشاعت دونوں سے سختی کے ساتھ منع کیاگیا ہے۔فتویٰ جاری کرنے والے علماء میں ڈاکٹر نسیم سرور، مفتی امان اللہ،مفتی نعمان الحق صدیقی،مفتی سعد سعید،مفتی سمیع اللہ مینگل،مفتی محمد بلال صدیقی،مفتی عبد الحمید،مفتی فیصل شیخ،مفتی محمد عالم،مفتی عباد الرحمان،مفتی آفتاب احمد ملک،مفتی یعقوب منصوری،مفتی حافظ نعیم اللہ،مفتی محمد افضل،مولانا محمد اظہر،مفتی شاہ فہد،مفتی عبد الرحیم،مفتی اشتیاق حجازی اور مفتی سلمان عباسی شامل ہیں۔ اسلامک فقہ اکیڈمی پاکستان کے ڈائریکٹر مفتی مصباح اللہ صابر نے کہا کہ اسلام ہمیں حیاداری اور پاکیزہ زندگی گزارنے اور اس طرح کی غیر اخلاقی کاموں سے بچنے کا حکم دیتا ہے۔