لاہور( این این آئی)سول ایوی ایشن اتھارٹی نے برطانیہ اور فرانس کیلئے چارٹر پروازوں کو پاکستان میں لینڈنگ کی اجازت دیدی ،سی اے اے نے فضائی کمپنی ہائی فلائی کو 5 فروری سے 28 مارچ تک لینڈنگ کی اجازت دی ۔ایوی ایشن کے ڈائریکٹر ائیر ٹرانسپورٹ کے نوٹیفکیشن کے مطابق پی آئی اے مانچسٹر براستہ پیرس اسلام آباد کیلئے ہائی فلائی کے ذریعے چارٹر پروازیں آپریٹ کرے گی ۔پی آئی اے کو 20سے زائد چارٹر پروازوں

کی اجازت دی گئی ہے۔ نوٹیفکیشن کے مطابق تمام پروازوں پر کورونا سے بچائو کے ایس او پیز پر عملدرآمد لازمی ہو گا۔ ترجمان پی آئی اے کے مطابق پی آئی اے کا پرتگال کی فضائی کمپنی ہائی فلائی سے معاہدہ طے پاگیا ہے جس کے لئے تمام قانونی تقاضے پورے کیے گئے ہیں، پی آئی اے کے سلاٹ اور کال سائن استعمال ہوگا،ایئر بس 330 میں اکنا می کلاس میں آرام دہ نشستیں اور بزنس کلاس میں فلیٹ بیڈ نشستیں رکھی گئیں ہیں۔