اسلام آباد (این این آئی)وفاقی حکومت نے آئمہ کرام اور خطیبوں کو ماہانہ اعزازیہ دینے کا فیصلہ کرلیا ہے، ذرائع کے مطابق وزیراعظم عمران خان نے وزیر مذہبی امور پیر نور الحق قادری کی تجویز پر آئمہ کرام اور خطیبوں کو اعزازیہ دینے کا فیصلہ کیا ہے۔وزیراعظم نے وفاقی وزیر مذہبی امور کو اعزازیہ دینے کی تجویز پر حتمی کام
کرنے کی ہدایت کردی ہے۔ذرائع کے مطابق وفاقی حکومت کے فیصلے کے بعد پنجاب، خیبرپختونخوا بلوچستان اور دارالحکومت اسلام آباد کی مساجد کے آئمہ کرام اور خطیبوں کو اعزازیہ ملے گا۔وزارت مذہبی امور اعزازیہ دینے سے متعلق جلد سروے کرے گی، اس حوالے سے اہلیت، مالیاتی تخمینہ سمیت دیگر امور پر حتمی تجاویز بھی طلب کی گئی ہے
