جہانیاں(آن لائن) یکم جنوری2021ء ! پاکستان کی متعددنامور شخصیات کا یوم پیدائش ہے۔یکم جنوری کو سابق وزیر اعظم پاکستان میر ظفر اللہ خان جمالی کی76ویں سالگرہ منائی جائے گی۔میر ظفر اللہ خان جمالی یکم جنوری1944ء کوبلوچستان کے علاقہ روجھان جمالی میں پیدا ہوئے

وہ پاکستان کے تاریخ کے وہ واحد وزیر اعظم ہیں جن کا تعلق بلوچستان سے ہے۔ میر ظفر اللہ خان جمالی پرویز مشرف کے دور صدارت میں 21نومبر2002ء سے لے کر26جون2004ء تک پاکستان کے وزیر اعظم رہے وہ2دسمبر2020ء کو 76برس کی عمر میں انتقال کر گئے ۔ نشان حیدر اعزاز حاصل کرنے والے کیپٹن کرنل شیر خان شہید کا51واں یوم پیدائش یکم جنوری2021ء کو منایا جائے گااس سلسلے میں جہانیاں سمیت دیگر شہروں میں منعقدہ تقریبات میں کرنل شیر خان شہید کی ملک و قوم کیلئے پیش کی گئی قربانی کو خراج عقیدت پیش کیا جائے گا۔کیپٹن کرنل شیر خان شہیدیکم جنوری 1970ء کو صوبہ خیبر پختونخواہ کے علاقہ صوابی میں پید اہوئے ان نہوں نے 1999ء میںبھارت کے خلاف کارگل میں معرکے میں اپنی جان کا نذرانہ پیش کرکے پاک فوج کا اعلیٰ ترین اعزاز نشان حیدر حاصل کیا۔پاکستان کے سابق صدر فضل الٰہی چوہدری کا 116واں یوم پیدائش یکم جنوری 2021ء کو منایا جائے گاوہ14اگست

1973ء سے16ستمبر1978ء تک پاکستان کے صدر رہے۔سابق صدر پاکستان فضل الٰہی چوہدری یکم جنوری 1904ء کو پنجاب کے شہر کھاریاں میں پیدا ہوئے 2جون 1982ء کو انتقال کر گئے تھے۔ پاکستان کے صوبہ پنجاب کے سابق گورنر و وزیر اعلیٰ پنجاب حنیف رامے کا 14واں

یوم وفات یکم جنوری2021ء کو منایا جائے گا وہ یکم جنوری2006ء کو انتقال کر گئے۔یکم جنوری کو پاکستانی فلم انڈسٹری کے معروف کامیڈین رنگیلاکا84واں یوم پیدائش ہوگا اس روز ان کے مداح رنگیلا کی سالگرہ منائیں گے ۔فلم سٹار رنگیلایکم جنوری1937

ء کو پارہ چنار میں پیدا ئے،وہ24مئی2005ء کوجہان فانی سے رخصت ہو گئے۔ملک کے معروف مزاح نگار و شاعر ضمیر جعفری کا 105واں یوم پیدائش یکم جنوری2021ء کو ہو گا وہ12مئی1999ء کو دنیا سے رخصت ہو گئے۔ملک کے معروف سیاستدان سابق وزیر اعلیٰ سندھ سید غوث علی شاہ یکم جنوری 2021ء کو ستاسی برس کے ہو جائیں گے وہ یکم جنوری1934ء کو سندھ کا علاقہ خیر پور میں پیدا ہوئے۔