لاہور(مانیٹرنگ ڈیسک)شدید دھند ، موٹروے ایم 3 لاہور سے رجانہ ہر قسم کی ٹریفک کے لیے بند ۔ ترجمان موٹروے پولیس کے مطابق ملتان موٹروے پر حد نگاہ 70 میٹر تک ہے۔ ڈرائیور حضرات گاڑیوں پر فوگ لائٹس کا استعمال کریں۔ شہری غیر ضروری سفر سے

گریز کریں۔واضح رہے کہ موٹرو سے پر خوفناک حادثہ ، شدید دھند کے باعث14گاڑیاں آپس میں ٹکرا گئیں ۔ تفصیلات کے مطابق شرقپور میں ناظر لبانہ انٹرچینج موٹروے پر انتہائی افسوسناک حادثہ پیش آیا جہاں پر دھند کے باعث تاحد نگاہ صفر ہونے کی وجہ سے 14گاڑیاں آپس میں ٹکرا گئیں ۔ حادثےمیں 3افرادں جاں بحق جبکہ 15کے قریب زخمی ہوئے ہیں جنہیں طبی امداد کیلئے ہسپتال منتقل کر دیا گیا ہے ۔ واضح رہے کہ سردی کی لہر میں اضافہ ہونے کے بعد شدید دھند نے ملک کو اپنے لپیٹ میں لے لیا ہے جس کی وجہ سے روزانہ کی بنیاد پرحادثات رونما ہو رہے ہیں ۔ جبکہ میدانی علاقے بھی شدید دھندمیں ہیںاس حوالے سے اہم شاہراہوں اور موٹرویز کو مختلف مقامات پر بند کیا گیا ہے ۔ اس حوالے سے موٹروے ترجمان نے مسافروں کو ہدایت کی ہے کہ شدید دھند کے باعث موٹرو ے کے سفر سے گریز کریں ۔