لاہور( این این آئی)مسلم لیگ (ن) کی نائب صد رمریم نوازنے اپنے والد اور پارٹی قائد محمدنوازشریف کوسالگرہ کی مبارکباد دیتے ہوئے کہا ہے کہ میں آپ کی بیٹی بھی ہوں اور آپ کے سیاسی نظریے، بصیرت کی پیرو کار بھی ہوں۔ٹوئٹر پر اپنے بیان میں مریم نواز نے کہا کہ آپ کی بیٹی ہوناایک اعزازبھی ہے

اور ایک عظیم ذمہ داری بھی ، ایک بیٹی کی حیثیت سے اپنے والد او رایک کارکن کے طور پر اپنے قائد کے لئے دعا گو ہوں،اللہ تعالیٰ آپ کا سایہ پاکستان اور ہم سب پر تادیر قائم رکھے ۔انہوںنے کہا کہ آپ کی سالگرہ پر آپ سے مل نہیں سکتی مگرحوصلہ اس بات کا ہے کہ میں آپ کے نظریات اور جدوجہد پرثابت قدمی سے کھڑی ہوں،الحمداللہ میرے قدم اس راستے سے ڈگمگائے نہیں ،جس راستے پر آپ اپنی قوم کے لئے چل رہے ہیں اللہ کرے ہماری اگلی ملاقات آپ کی مکمل صحت کے ساتھ ہو ۔ دوسری جانب سابق وزیر اعظم و مسلم لیگ (ن) کے قائد محمد نواز شریف 71برس کے ہو گئے ۔پارٹی قائد کی سالگرہ کی مناسبت سے مختلف مقامات پر کیک کاٹے گئے اورنواز شریف کی جلدصحتیابی اوردرازی عمرکے لئے دعائیں بھی مانگی گئیں۔مسلم لیگ (ن) لاہور کے زیر اہتما م نصیر آباددفترمیں بانی پاکستان قائد اعظم محمد علی جناح،پارٹی قائد نواز شریف اور کرسمس کے سلسلہ میں تقریب منعقد کی گئی اورکیک کاٹے گئے ۔