اسلام آباد (مانیٹرنگ ڈیسک )ن لیگ کے سینئر رہنما طلال چودھری نے نجی ٹی وی پروگرا م میں کہا ہے کہ یہ ملک نہیں چل رہا کیونکہ مہنگائی کے طوفان نےعوام کا برا حال کر دیا ۔ تفصیلات کے مطابق طلال چودھری کا کہنا تھا کہ حکومت کے دو بندوں نے ن لیگ سے رابطہ کیا وہ مذکرات نہیں بلکہ حکومت بچائو رابطہ تھا، اگر آپ سمجھتے ہیں یہ حکومت بچ جائے گی ، پاکستان نہیں چلےگا ،

اور پاکستان نہیں چل رہا ، غریب کی روٹی سے لے کر کشمیر تک چھن گیا ہے ۔ان کا کہنا تھا کہ اگر اب بھی پاکستان کے ادارے یہ سمجھتے ہیں عمران خان ناگزیر ہے اور پاکستان کا خدانخواستہ نقصان برداشت ہو سکتا ہے تو یہ ان کا فیصلہ ہے ۔ ہم نہیں سمجھتے کہ ہمیں اس اسٹیج پر لے کر جایا جائے ادارے کے دروازوں پر جا کر کھڑے ہو جائیں۔ ہم لوگ پاکستان کے عام عوام کی آواز بنے ہوئے ہیں ۔ ایک سوال کے جواب میں طلال چودھری کا کہنا تھا کہ جس طرح یہ حکومت بنائی گئی ہے ، ہمارا مقصد کوئی نیا الیکشن نہیں بلکہ ایک ایسا سسٹم ہے جس سے ہم وہ روح نکالنا چاہتے ہیں ، جس روح کی وجہ سے یا تو یہ ووٹ حکومت بنتی نہیں اگر بن جائے تو پھر چلتی نہیں ہے ۔کسی کو بیٹے سے تنخواہ نہ لینے پر تاحیات نااہل قرار دیدیا گیا ، کوئی پھانسی کے پھندے سے جھول جاتا ہے ۔ ان کا مزید کہنا تھا کہ مجھے یہ بتایا ہے کہ 70سال پاکستان اس طرح چلا جس کیلئے بنایا گیا تھا ، مجھے افسوس کیساتھ آج کہنا پڑ رہاہے کہ پاکستان کے اندر میرے ووٹ کی حرمت نہیں ہے ، یہاں ووٹ ڈلتا کسی کو نکلتا کسی کو ہے ۔ میں یہاں 1971ء کے واقعے کا ذکر بار بار کر کے اپنا اور پاکستانی عوام کا دل خراب نہیں کرنا چاہتا لیکن وہ واقعہ بھی ووٹ کی عزت نہ کرنے کی وجہ سے پیش آیا تھا ۔

موضوعات:طلال چودھری