اسلام آباد (این این آئی) پاکستانیوں کی نصف تعداد نے کہا ہے کہ سابق وزیراعظم نواز شریف کی اسٹیبلشمنٹ پر تنقید بھارتی مؤقف ہے۔پلس کنسلٹنٹ کی جانب سے جاری کیے گئے سروے میں لوگوں سے پوچھا گیا کہ سابق وزیراعظم اورمسلم لیگ (ن )کے سربراہ میاں نواز شریف کی اسٹیبلشمنٹ پر تنقید بھارتی مؤقف ہے یا سیاسی بیان؟ اس پر سروے میں

شامل افراد میں سے51 فیصد کہنا تھا کہ نواز شریف کی تنقید بھارتی مؤقف ہے جب کہ 23 فیصد افراد کا کہنا تھا کہ یہ سیاسی بیان ہے۔سروے میں شامل 26 فیصد افراد نے معلوم نہیں جواب دیا۔پلس کنسلٹنٹ کے اس سروے میں 2011 افراد سے رائے لی گئی اور اس میں سطح اعتماد 95 فیصد جبکہ غلطی کی گنجائش 2 اعشایہ 06 فیصد ہو سکتی ہے۔

موضوعات:نواز شریف