لاہور( این این آئی)وفاقی تحقیقاتی ادارے ( ایف آئی اے )گوجرانوالہ سائبر کرائم ونگ نے نارووال سے مبینہ طور پر نازیبا ویڈیوز بنانے والے عالمی گروہ کے کارندے کو گرفتار کرلیا ۔ترجمان ایف آئی اے کے مطابق ملزم سے سینکڑوں کی تعداد میں بچوں کی نازیبا ویڈیوز برآمد ہوئی ہیں۔
ملزم سے متعلق معلومات برازیل کی حکومت نے شیئر کی تھیں۔ انٹرپول کے ذریعے ملنے والی معلومات کی روشنی میں ملزم کو گرفتار کیا گیا۔نجی ٹی وی کے مطابق ترجمان ایف آئی اے نے بتایا کہ ملزم سے چھ سو سے زائد ویڈیوز برآمد ہوئی ہیں۔ ملزم کا لیپ ٹاپ اور دوسری ڈیوائسز پنجاب فرانزک لیبارٹری بھجوائی گئی ہیں۔ایف آئی اے کے مطابق دوران تفتیش معلوم ہوا ہے کہ ملزم چائلڈ پورنو گرافی کے عالمی گروہ سے رابطے میں تھا۔ترجمان ایف آئی اے کے مطابق سائبر کرائم ونگ نے ملزم کے خلاف مقدمہ درج کر کے عدالت سے چار روزہ ریمانڈ حاصل کر لیاگیا ہے۔
