’’اسلام آباد( آن لائن )سپریم کورٹ نے واپڈا کی جانب سے مردان میں 350 روپے فی مرلہ زمین ایکوائر کرنے کے معاملے پر واپڈا کی اپیل مسترد کردی اور شہری کو 4 ہزار روپے فی مرلہ ادائیگی کاحکم دیدیا،جسٹس سجاد علی شاہ نے کہاکہ کیا یہ ظلم نہیں کہ واپڈا کسی شہری کی
آبائی زمین 359 روپے مرلہ ایکوائر کر لے،اتنے میں تو کسی ریسٹورنٹ میں ایک کپ چائے آتی ہے۔سپریم کورٹ میں واپڈا کی جانب سے مردان میں 350 روپے فی مرلہ زمین ایکوائر کرنے کے معاملے پر سماعت ہوئی،جسٹس سجاد علی شاہ کی سربراہی میں 2 رکنی بینچ نے کیس کی سماعت کی،جسٹس سجاد علی شاہ نے کہاکہ کیا یہ ظلم نہیں کہ واپڈا کسی شہری کی آبائی زمین 359 روپے مرلہ ایکوائر کر لے،اتنے میں تو کسی ریسٹورنٹ میں ایک کپ چائے آتی ہے، جسٹس سجاد علی شاہ نے استفسار کیا کہ آپ کو پتا ہے کہ مردان میں زمین کا کیا ریٹ ہے۔وکیل واپڈا شاکر اللہ آفریدی نے کہاکہ یہ بنجر زمین تھی واپڈا نے اسے بارانی بنایا ہے، علاقے میں زمین کا ریٹ ایسا ہی ہے، عدالت نے واپڈا کی اپیل مسترد کرتے ہوئے شہری وحید کو 4 ہزار روپے فی مرلہ ادائیگی کا حکم دیدیا۔
