”بھینسا پاگل ہو گیا ہے ”

  ہفتہ‬‮ 17 اکتوبر‬‮ 2020  |  16:26

اسلام آباد(مانیٹرنگ ڈیسک)سوشل میڈیا پر ایک ویڈیو وائرل ہورہی ہے جس میں ایک چوپائے کو سڑک کنارے کھڑی گاڑی کو ٹکریں مارتے دیکھا جاسکتا ہے ، اس جانور کے سینگ لگنے کی وجہ سے گاڑی کی پانی کی بوتل بھی ٹوٹ گئی جس کے نتیجے میں پانی گرناشروع ہوگیاجبکہ گاڑی کا ایک ٹائر بھی پنکچر ہوچکاہے ، اس بپھرے جانور کو دور سے کھڑے لوگ بھی دیکھ رہے ہیں۔ اس ویڈیو کو دوبارہ شیئرکرتے ہوئے سینئر صحافی حامد میر نے طنزیہ انداز میں لکھا کہ "بھینسا پاگل ہو گیا ہے !"حامد میر کی اس ٹوئٹ پر وزیراعظم کے معاون خصوصی


ڈاکٹر شہبازگل بھی خاموش نہ رہ سکے اور لکھا کہ " فکر نہ کریں اب گائوں کے لوگ بھینسے کا علاج کر لیں گے۔ علاج صرف دو منٹ کا ہوتا ہے اس کے بعد بھینسا اپنے آپکو دودھ دینے والی بھینس سمجھنا شروع کر دیتا ہے اور کسی کو سینگ نہ مارتا ہے نہ دیکھاتا ہے۔ ایک ہی بات کہتا پھرتا ہے۔ باڑے سے مجھے کیوں نکالا۔دریں اثنا سابق وزیر اعظم میاں نوازشریف کی گزشتہ روز گوجرانوالہ میں ہونیوالی تقریرپر ردعمل دیتے ہوئے سینئر صحافی حامد میر نے اپنے ٹوئٹر پیغام میں کہا کہ نواز شریف صاحب کی تقریر تو اچھی تھی انہوں نے باجوہ صاحب پر بہت سے الزامات لگائے اگر نواز شریف پر پابندی نہ ہوتی تو ان سے یہ ضرور پوچھتا کہ جب آپ کی پارٹی نے پچھلے سال باجوہ صاحب کی مدت ملازمت میں توسیع کی حمایت کی تو آپ کو یہ الزامات کیوں یاد نہ آئے؟سوال تو بنتا ہے لیکن پوچھیں کیسے؟


موضوعات:

زیرو پوائنٹ

دعا

میرے پاؤں زمین پر گڑھ کر رہ گئے‘ میں آگے بڑھناچاہتا تھا لیکن مجھے یوں محسوس ہوا جیسے میرے جسم سے ساری توانائی نکل گئی اور میں نے زبردستی ایک قدم بھی آگے بڑھانے کی کوشش کی تومیں جلے‘ سڑے اور سوکھے درخت کی طرح زمین پر آ گروں گا‘ میں چپ چاپ‘ خاموشی سے ان کے پاس ....مزید پڑھئے‎

میرے پاؤں زمین پر گڑھ کر رہ گئے‘ میں آگے بڑھناچاہتا تھا لیکن مجھے یوں محسوس ہوا جیسے میرے جسم سے ساری توانائی نکل گئی اور میں نے زبردستی ایک قدم بھی آگے بڑھانے کی کوشش کی تومیں جلے‘ سڑے اور سوکھے درخت کی طرح زمین پر آ گروں گا‘ میں چپ چاپ‘ خاموشی سے ان کے پاس ....مزید پڑھئے‎