گوجرانوالہ (مانیٹرنگ ڈیسک) پیپلز پارٹی کے چیئرمین بلاول بھٹو نے جلسے سے خطاب کرتے ہوئے کہا کہ میرا عوام سے ایک سوال ہے کہ کیا تبدیلی پسند آئی؟ انہوں نے کہاکہ حکومت نے دو سال میں ملکی تاریخ کا سب سے زیادہ قرض لیا، بلاول بھٹو نے کہا کہ لوگوں کے پاس

دو وقت کی روٹی نہیں، ملکی معیشت کی شرح نمو منفی ہو چکی، آج پاکستان میں تاریخی مہنگائی ہے، بلاول بھٹو نے کہا کہ ملکی معیشت تاریخ کے بدترین دورسے گزر رہی ہے، انہوں نے اپنے خطاب کے دوران کہا کہ تبدیلی یہ ہے کہ پاکستان میں تاریخی غربت ہے۔بلاول بھٹو زرداری نے کہا ہے کہ پاکستان کی معیشت تاریخ کا بدترین دور دیکھ رہی ہے۔ لوگوں کے پاس دو وقت کی روٹی نہیں، پاکستان جب دولخت ہوا اس وقت بھی ملک کا یہ حال نہیں تھا۔ انہوں نے کہا کہ یہ میرا گوجرانوالہ کے عوام سے مخاطب ہونے کا پہلا موقع ہے اس لئے میں یہاں کے ان لوگوں کو خراج تحسین پیش کرتا ہوں جنہوں نے جماعت کیلئے قربانیاں دیں جس کی وجہ سے پیپلز پارٹی آج بھی زندہ ہے، انہوں نے کہا کہ اشیائے ضروریہ کی چیزیں عوام کی پہنچ سے باہر ہو چکی ہیں۔ نوجوان ڈگریاں ہاتھ میں لئے پھر رہے ہیں مگر انھیں روزگار نہیں مل رہا۔ محنت کشوں اور مزدوروں کے گھروں کے چولہے بند ہو چکے ہیں۔ بلاول بھٹو نے کہا کہ یہ عمران خان اور ان کے سلیکٹرز کی تبدیلی ہے۔