فیصل آباد (آن لائن) سعودی عرب پاکستانیوں واپسی کے لئے پروازوں کی عدم دستیابی اور دستیاب پروازوں کے کرایوں میں بے تحاشا اضافے کر دیا گیا 70ہزار روپے والی ٹکٹ دولاکھ روپے میں فروخت ہونے لگی، ائر لاینز اور ٹریول ایجنٹس مافیا

کی ملی بھگت سے مصنوعی بنیادوں پر کرایوں میں اضافہ،حکومت نوٹس لے آن لائن سے گفتگو کرتے ہوئے چیئرمین حج عمرہ ٹورزم کمیٹی فیصل آباد چیمبر آف کامرس اینڈ انڈسٹری حافظ شفیق کاشف نے سعودی حکومت سے مطالبہ کیا ہے کہ پروازوں کی عدم دستیابی پر سعودی عرب کے ویزوں اور اقامہ میں ایک ماہ توسیع دی جائے کیونکہ ویزا کی مدت ختم ہونے کے خوف سے تارکین وطن تین گنا زیادہ کرایہ دینے پر مجبور ہیں۔ انہوں نے تارکین وطن کی سعودی عرب واپسی کے لئے پروازوں کی عدم دستیابی اور دستیاب پروازوں کے کرایوں میں بے تحاشا اضافے پر تشویش کا اظہار کرتے ہوئے وزیراعظم سے نوٹس لینے کا مطالبہ کیا ہے۔انہوں نے کہا کہ ائر لاینز اور ٹریول ایجنٹس میں موجود مافیا نے ملی بھگت سے مصنوعی بنیادوں پر کرایوں میں اضافہ کیا ہے جس پر اوورسیز پاکستانیز وزارت سول ایوی ایشن اتھارٹی کی گرفت اور کارکردگی صفر ہے۔حافظ شفیق کاشف انہوں نے ہوائی کمپنیوں سے بھی مطالبہ کیا کہ لوڈ کے مطابق سعودی عرب کی پروازوں میں اضافہ کیا جائے۔