اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی اور تجزیہ کار ڈاکٹر شاہد مسعود نے کہا ہے کہ سابق وزیراعظم نواز شریف کو باقاعدہ باہر بھیجا گیا ہے وہ اچانک نہیں گئے ۔

دوسری مرتبہ شاہی جہاز نواز شریف کو لے کرگیا ، اگر سابق وزیراعظم کا واپسی کا ارادہ ہوتا تو کبھی ٹوئٹراکائونٹ نہ بناتے ، نواز شریف قسمت کے دھنی ہیں لیکن حکومتیں تقریروں اور دھرنوں سے نہیں گرا کرتیں ،وزیر اعظم عمران خان خود کہتے رہے کہ ان پر بیرون ممالک سے دبائو تھا جس کے بعد نواز شریف باہر گئے ، سابق وزیراعظم نواز شریف کو واپس کوئی نہیں لا سکتا ۔ متحدہ اپوزیشن کی آل پارٹیز کانفرنس پر انہوں نے کہا کہ عمران خان، ان کی حکومت اور تمام مشینری الجھی رہی ، اے پی سی میں نواز شریف نے براہ راست خطاب کیا ، اے پی سی کا اصل مقصد نواز شریف کا خطاب تھا ، تاہم حکومتیں اے پی سی اور دھرنوں سے نہیں گرا کرتیں ۔یاد رہے کہ سابق وزیر اعظم میاں نوازشریف نے بھی اپنا ٹوئٹر اکائونٹ بنا لیا ہے ، صرف 24 گھنٹوں میں ریکارڈ ڈیڑھ لاکھ سے زائد فالوورز بھی بن چکے ہیں ۔

موضوعات:ڈاکٹر شاہد مسعود نوازشریف