اسلام آباد (آن لائن) مسلم لیگ (ن) کی رہنما مریم نواز نے وزیر اعظم کے معاون خصوصی شہباز گل کے نواز شریف کی اے پی سی میں تقریر روکنے سے متعلق قانونی آپشنز بارے ٹوئٹ کا جواب ٹوئٹ کی صورت میں دیتے ہوئے کہا کہ کنٹینر پر گالیاں دینے،ہنڈی اور سول نافرمانی کی تلقین کرنے،بجلی کے بل پھاڑے،سرکاری املاک اور پولیس پر حملے کرنے والوں کو تو نواز شریف نہیں
روکا اورنہ ہی پیمرا کو استعمال کیا گیا اب نواز شریف جب بولنے لگا ہے تو کیوں جان پر بن گئی ہے۔اس کی آواز گھر گھر گونجے گی انشاء اللہ روک سکو تو روک لو۔دوسری جانب سے ن لیگی رہنما عابد شیر علی نے بھی شہباز گل کے ٹوئٹ کو شدید تنقید کا نشانہ بنایا اور اپنے جوابی ٹوئٹ میں نازیبا الفاظ بھی استعمال کئے اور شہباز گل سے کہا کہ اپنا سامان باندھنے کی تیاری کریں۔
