کورونا وائرس اور گزشتہ اقتصادی مسائل کو بہتر طریقے سے سلجھا کر حکومت نے ملک کو بڑے معاشی بحران سے محفوظ رکھا،حکومت نے کیا بہترین اقدامات اٹھائے؟تحقیق میں انکشاف

  پیر‬‮ 10 اگست‬‮ 2020  |  20:34

اسلا م آباد (مانیٹرنگ ڈیسک) کورونا وائرس اور گزشتہ اقتصادی مسائل کو بہتر طریقے سے سلجھا کر حکومت نے ملک کو بڑے معاشی بحران سے محفوظ رکھا، یہ بات اے کے ڈی سکیورٹیز کی جانب سے جاری ہونے والے تحقیقی مقالہ میں کہی گئی۔ تحقیقی مقالہ کے مطابق حکومت نے کورونا وائرس کی وبا سے نمٹنے اورگزشتہ حکومتوں سے ورثہ میں ملے اقتصادی مسائل کو بہتر طریقے سے سلجھا کر ملک کوایک بڑی تباہی سے محفوظ رکھا۔ ریسرچ کے مطابق حکومت نے جہاں معاشی حکمت عملی کے تحت 1240 ارب روپے سے زائد کے میگا امدادی پیکیج وتعمیرات کیلئے سہولیاتی


و ترغیباتی پیکیج دیئے ہیں وہیں سماجی اقدامات کے تحت سمارٹ لاک ڈاؤن اور احساس پروگرام کے ذریعہ ایک بڑی تباہی اور نقصان کو رونما ہونے سے روک لیا۔تحقیق کے مطابق حکومت کی طرف سے کئے گئے مشکل فیصلوں کی بدولت بڑے شعبہ جات جیسے سیمنٹ، کھاد اورآٹو وغیرہ میں ایک ایسے وقت میں بڑھوتری ہوئی جب مہلک وائرس کی وجہ سے عمومی طورپرسست روی کا رحجان ہے۔ کے ایس ای 100 انڈکس میں 25 مارچ کے بعد سے اب تک 46.2 فیصد اضافہ ریکارڈ کیا گیا۔پاکستان سٹاک ایکسچینج کو دنیاکی بہترین کارکردگی کی حامل سٹاک ایکسچینج کااعزازحاصل ہوا۔مالی سال 2018 میں تجارتی خسارہ مجموعی ملکی پیداوار کے 9.9 فیصد کی ریکارڈسطح پرپہنچ گیاتھا، اس صورتحال میں برآمدات کے مقابلے میں درآمدات میں دگنا سے زائد اضافہ ہوا، گزشتہ حکومت کے دورمیں ملکی کرنسی کی قیمت کومصنوعی طورپرمستحکم رکھا گیا۔تحقیقی رپورٹ کے مطابق مالی سال 2018میں سٹیٹ بینک کے پاس زرمبادلہ کے ذخائر 9.76 ارب ڈالرتک گرگئے، مالی سال 2016میں زرمبادلہ کے ذخائر18.1 ارب ڈالر تھے۔مختلف حلقوں کی جانب سے تنقید کے باوجودحکومت نے کوروناوائرس سے پیداہونے والے بحران سے نمٹنے کیلئےجو طریقہ کاراختیارکیا وہ قابل تعریف ہے۔مالیاتی اثرات کو کم کرنے کیلئے سٹیٹ بینک نے شرح سود کو 13.25 فیصد سے کم کرکے 7 فیصد کی سطح پرلایا۔ نیاپاکستان ہاؤسنگ سکیم کے تحت 30 ارب روپے کی سبسڈی اورٹیکسوں میں 90 فیصد کی چھوٹ سے نہ صرف وزیراعظم عمران خان کے اس سکیم کو آگے بڑھانے میں مددملے گی بلکہ اضافی طلب بھی پیداہوگی۔ پاکستان نے سمارٹ لاک ڈاؤن کا تصورپیش کیا،اس کے علاوہ پاکستان نے ترقی پذیرممالک اورمعیشتوں کے ذمہ واجب الاداقرضوں کو مؤخرکرانے کی بھی لابنگ کی۔


موضوعات:

زیرو پوائنٹ

ہم قدم ارطغرل کے مزار پر

عاطف نواز راولپنڈی کی مکہ مارکیٹ میں دوپٹوں کا کام کرتا ہے‘ پندرہ سال کی عمر میں کام شروع کیا اور آہستہ آہستہ اس کام کا ماہر ہوتا چلا گیا‘ پندرہ سال قبل والد جگر کے عارضے کا شکار ہو گیا‘ انہیں ہیپاٹائیٹس سی ہوا اور وائرس آہستہ آہستہ ان کا جگر کھانے لگا‘ عاطف نے یہ 15 ....مزید پڑھئے‎

عاطف نواز راولپنڈی کی مکہ مارکیٹ میں دوپٹوں کا کام کرتا ہے‘ پندرہ سال کی عمر میں کام شروع کیا اور آہستہ آہستہ اس کام کا ماہر ہوتا چلا گیا‘ پندرہ سال قبل والد جگر کے عارضے کا شکار ہو گیا‘ انہیں ہیپاٹائیٹس سی ہوا اور وائرس آہستہ آہستہ ان کا جگر کھانے لگا‘ عاطف نے یہ 15 ....مزید پڑھئے‎