اسلام آباد(نیوز ڈیسک)پاکستان علما کونسل کے مرکزی چیئرمین اور وفاق المساجد و المدارس کے صدر حافظ محمد طاہر محمود اشرفی گذشتہ روز سعودی ائیر لائن کے طیارے سے نجی دورہ پر سعودی عرب گئے ہیں ۔ حافظ محمد طاہر محمود اشرفی کا ذاتی نوعیت کا یہ سفر پہلے سے طے تھا اور اس کا موجودہ صورتحال سے کوئی تعلق نہیں ہے ۔پاکستان علما کونسل کے ترجمان مولانا محمد اشفا ق
پتافی نے کہا کہ پاکستان سعودی عرب کے تعلقات لازوال ہیں اور اس سلسلہ میں بے بنیاد افواہیں پھیلانے سے گریز کیا جانا چاہیے ۔ حافظ محمد طاہر محمود اشرفی نہ کسی شخصیت کا پیغام لے کر گئے ہیں اور نہ ہی پاکستان اور سعودی عرب کے حالات میں اس طرح کی کشیدگی موجود ہے لہذا حافظ محمد طاہر محمود اشرفی کے حوالے سے نشر کی جانے والی خبروں میں کوئی صداقت نہیں ہے ۔
