اسلام آباد (این این آئی)پاکستان مسلم لیگ (ن) کے رہنما رانا ثنا اللہ خان نے وفاقی وزیر ریلوے شیخ رشید کو اللہ اللہ کرنے کا مشورہ دیدیا۔ایک بیان میں انہوں نے کہاکہ شیخ صاحب کرونا کے بعد نئی زندگی ملی ہے، جھوٹ سے توبہ کر لیں،شیخ صاحب کرونا کے بعد اللہ اللہ کریں شہباز شریف اور حمزہ شہباز نہیں۔ انہوں نے کہاکہ شیخ صاحب کرپشن کے سنجیدہ کیسز مالم جبہ، ہیلی کاپٹر کیس،
عمران نیازی کے 23 خفیہ اکاؤنٹس اور فارن فنڈنگ ہیں،شیخ صاحب کرپشن کے سنجیدہ کیس پشاور بی آر ٹی اور بلین ٹری سْونامی ہیں۔ انہوں نے کہاکہ شیخ صاحب ملکی تاریخ کے کرپشن کے سنجیدہ ترین کیسز عمران مافیا کی آٹا، گندم، چینی، پٹرول، فرنس آئل، ادویات کی چوری ہیں۔ انہوں نے کہاکہ کرپشن کا سنجیدہ ترین کیس دو سال میں 13000 ارب کا قرض کس کی جیب میں گیا؟
