لاہور(این این آئی)مسلم لیگ (ن) پنجاب کی سیکرٹری اطلاعات عظمیٰ بخاری نے کہا ہے کہ نیب نیازی نے شہبازشریف کی عالمی سطح پر پذیرائی سے حسد کی وجہ سے ان پر جھوٹے مقدمات بنائے،شہبازشریف کی محنت اورایمانداری کی گواہی چین،ترکی،برطانیہ سمیت کئی ممالک دیتے رہے ہیں،مریم نواز کو نیب کی جانب سے نیا نوٹس بھیجنا شرمناک حرکت ہے،نیب نے مریم نواز کو وراثتی جائیداد کا حساب مانگنےکے لئے طلب کرلیا ہے۔۔اپنے بیان میں انہوں نے کہا کہ شہبازشریف کی قائد انہ صلاحیتوں کی بدولت پنجاب میں غیر ملکی کمپنیوں نے اربوں روپے کی سرمایہ کی۔شہبازشریف نے ساہیوال کول پاور،حویلی بہادر
شاہ،تین میٹرو بسوں میں کروڑوں روپے کی بچت کی۔شہبازشریف نے گیارہ ماہ میں میٹرو بنادی عمران نیازی تین سالوں میں بھی پشاور میٹرو نہیں چلاسکے۔انہوں نے مزید کہاعمران نیازی نے شہبازشریف سے حسد اور بغض کے باعث پنجاب میں جاری شدہ عوامی مفاد کے منصوبوں پر کام بند کروادیا۔آشیانہ کیس میں نیب کو سپریم کورٹ سے تاریخی ذلت و رسوائی کا سامنا کرنا پڑا۔رمضان شوگر ملز کا کیس بھی نیب کیلئے رسوائی کا باعث بنے گا۔عمران خان وارثت میں بھی کچھ نہیں ملا اس ارب پتی سے نیب حساب کیوں نہیں مانگ رہا؟نیب اور نیازی مریم نواز اور نوازشریف کے خوف اور حسد میں مبتلا ہیں۔عمران خان اپنے لیے اصل خطرہ شریف خاندان کو ہی سمجھتے ہیں۔ مسلم لیگ (ن) پنجاب کی سیکرٹری اطلاعات عظمیٰ بخاری نے کہا ہے کہ نیب نیازی نے شہبازشریف کی عالمی سطح پر پذیرائی سے حسد کی وجہ سے ان پر جھوٹے مقدمات بنائے،شہبازشریف کی محنت اورایمانداری کی گواہی چین،ترکی،برطانیہ سمیت کئی ممالک دیتے رہے ہیں،مریم نواز کو نیب کی جانب سے نیا نوٹس بھیجنا شرمناک حرکت ہے،نیب نے مریم نواز کو وراثتی جائیداد کا حساب مانگنے کے لئے طلب کرلیا ہے۔
