اسلام آباد(آن لائن) وفاقی وزارت داخلہ نے فیڈرل انویسٹی گیشن ایجنسی (ایف آئی اے ) میں 1021 خالی اسامیوں پر بھرتیوں کی اجازت دیدی ۔ وزارت داخلہ کی جانب سے جاری نوٹیفکیشن کے مطابق خالی اسامیوں پر بھرتیوں کے لئے ایف آ ئی ہیڈکوارٹرز کے
خطوط کا حوالہ دیتے ہوئے ادارے میں بی پی ایس ون تا بی پی ایس 17 تک مختلف کیڈرز کی 1021 خالی اسامیوں پر ایف پی ایس اور خود ڈیپارٹمنٹ کے ذریعے بھرتیاں کرنے کی ہدایت کی ہے ۔ نوٹیفیکیشن میں اسٹیبلشمنٹ ڈویژن کو مذکورہ اسامیوں پر بھرتیوںکے لئے این او سی جاری کرنے کی ہدایت کی گئی ہے ۔
