اسلام آباد (مانیٹرنگ ڈیسک) نیب نے توشہ خانہ سے تحفے میں ملنے والی گاڑیاں لینے پر کرپشن ریفرنس کے بعد نواز شریف اور آصف علی زرداری کی گاڑیاں قبضے میں لینے کا فیصلہ کرلیا ہے۔ ایک نجی ٹی وی چینل کی رپورٹ کے مطابق احتساب عدالت میں نیب کی جانب سے رپورٹ جمع کرائی گئی ہے جس میں کہا گیا ہے کہ نیب نے آصف زرداری کی 3 گاڑیوں کی ملکیت منجمد کردی ہے جب کہ نوازشریف کی
توشہ خانہ سے لی جانے والی گاڑی کی ملکیت بھی منجمد کردی گئی ہے۔نیب سے تمام گاڑیوں کا ریکارڈ طلب کرتے ہوئے احتساب عدالت نے تفتیشی افسر کو پانچ اگست کو ریکارڈ پیش کرنے کا حکم دیا ہے۔یاد رہے کہ توشہ خانہ ریفرنس میں احتساب عدالت نے نوازشریف کے ناقابلِ ضمانت وارنٹ جاری کررکھے ہیں، احتساب عدالت نے آصف زرداری کو بھی اشتہاری قرار دینے کیلئے کارروائی کا آغاز کر دیا ہے۔
