لاہور (این این آئی) صوبائی وزیراطلاعات فیاض الحسن چوہان نے کہاہے کہ اب بلاول زرداری کھسیانی بلی کھمبانوچے کے مصداق اپنی ناکامی کا ملبہ نیب اور حکومت پرڈال رہے ہیں۔فیاض الحسن چوہان نے بلاول بھٹو کی پریس کانفرنس پر رد عمل دیتے ہوئے کہا کہ چیئرمین پیپلز پارٹی اپنے والد اورخود کو بچانے کے لئے شہباز شریف کا کندھا لینے پنجاب آئے مگرشہباز شریف نے بلاول زرداری کو ٹکا سا جواب دے کر ٹرخا دیا ہے۔نجی ٹی وی سے گفتگو کرتے ہوئے صوبائی وزیراطلاعات نے کہا کہ
سندھ حکومت آج بھی اور ماضی میں بھی کرپشن اور اقربا پروری کی وجہ سے جانی،مانی،پہچانی اور گردانی جاتی تھی،جعلی اکانٹس کے ذریعے اپنا،اپنے والد اور پھوپھی کا کچن چلانے والے بلاول کے منہ سے عمران خان پرتنقید جچتی نہیں۔فیاض چوہان کا کہنا تھا کہ اب بلاول زرداری کھسیانی بلی کھمبانوچے کے مصداق اپنی ناکامی کا ملبہ نیب اور حکومت پرڈال رہے ہیں،بڑے بے آبرو ہو کرتیرے کوچے سے ہم نکلے کے مصداق بلاول پنجاب سے جاتے ہوئے دشنام طرازی کا سہارا لے رہے ہیں۔
