پشاور(این این آئی) پشاورکی مقامی عدالت نے وزیراعظم عمران خان کو ہرجانہ کیس میں نوٹس جاری کردیا۔پشاور کی ایڈیشنل اینڈ سیشن جج کی عدالت میں پی ٹی آئی کی سابق رکن صوبائی اسمبلی فوزیہ بی بی کی جانب سے دائرہ ہرجانہ کیس کی سماعت ہوئی،کیس میں وزیراعظم کی جانب

سے جواب جمع نہیں کیا جاسکا جس پر مقامی عدالت نے وزیراعظم کونوٹس جاری کرتے ہوئے سماعت 8 اگست تک ملتوی کردی،سابق رکن اسمبلی فوزیہ بی بی نے سینیٹ الیکشن میں ووٹ بیچنے کے الزام پروزیراعظم کے خلاف 50 کروڑ روپے ہرجانہ کا کیس دائر کررکھا ہے۔