اسلام آباد (این این آئی) پاکستان مسلم لیگ ن نے مشیر خزانہ حفیظ شیخ کو معاشی معاملات پر سینیٹ اجلاس میں طلب کرنیکا مطالبہ کردیا۔ بدھ کو سینٹ اجلاس کے دور ان لیگی سینیٹر جاوید عباسی نے کہاکہ ملک میں پہلے ہی مہنگائی کا طوفان ہے،ایک ڈالر کی قیمت 169روپے تک پہنچ گئی ہے،جس تیزی سے روپے کی قدر گر رہی ہے خطرہ ہے کہ چیزیں ہاتھ سے نہ نکل جائیں۔
انہوں نے کہاکہ پاکستان کی ایکسپورٹ گزشتہ پندرہ سال کے مقابلے میں سب سے نیچے چلی گئی ہے،حفیظ شیخ ایوان کو بتائیں کہ آج پاکستان کہاں کھڑا ہے،نیب قانون کو پارلیمنٹ میں زیر بحث لایا جائے۔ انہوں نے کہاکہ یہ قانون مخالفین کی بازو توڑنے اور سیاسی انجینئرنگ کیلئے استعمال کیا گیا،بڑے کیسوں کو نیب پوچھ نہیں رہا کیونکہ ان کا تعلق حکومت سے ہے۔
