اسلام آباد (این این آئی) پاکستان پیپلز پارٹی کی سینیٹر شیری رحمان نے سینٹ میں تحریک استحقاق وزیر ہوابازی غلام سرور خان اور ایوی ایشن ڈویژن کے خلاف پیش کر دی۔ پیر کو سینیٹر شیری رحمان نے کہاکہ کمیٹی اجلاس میں پائلٹ کے جعلی لائسنس کے معاملے سول ایوایشن اور وفاقی وزیر کے بیان میں تضاد سامنے آیا،
وفاقی وزیر اور ایوی ایشن ڈویژن کمیٹی کو مطمئن کرنے میں ناکام رہے،وفاقی وزیر اور سول ایوی ایشن کے تضاد سے ہمارا معلومات تک رسائی کا حق متاثر ہوا،ہم نے وزیر ہوابازی کے خلاف تحریک استحقاق جمع کروائی ہے،ان کی جانب سے کوئی بھی جواب نہیں آیا،اس سے ہمارا استحقاق مجروح ہوا ہے۔
