لاہور(این این آئی)وزیر اعظم عمران خان کی جانب سے بھرپور اعتماد ملنے کے بعد وزیر اعلیٰ پنجاب سردار عثمان بزدار ایکشن میں آ گئے،اپنی وزارتوں سے متعلق قانون سازی اور اسمبلی بزنس میں دلچسپی نہ لینے والے وزراء کے نام طلب کر لیے گئے۔ ذرائع کے حوالے سے بتایا گیا ہے ایوان وزیر اعلیٰ
نے محکمہ قانون سے ایسے وزراء کی فہرست مانگ لی ہے جو اپنی وزارت میں مفاد عامہ سے متعلق قانون سازی میں دلچسپی نہیں لیتے جبکہ پنجاب اسمبلی میں وقفہ سوالات کی تیاری میں بھی دلچسپی نہ لینے والے وزراء کے بارے میں آگاہی حاصل کرتے ہوئے فہرست طلب کر لی گئی ہے۔
