راولپنڈی(این این آئی)امیرجماعت اسلامی ضلع راولپنڈی راجا محمدجواد نے کہاہے حکومتی ٹیم نااہلوں کا ٹولہ ہے جس نے دوسال میںناکامی کے عالمی ریکارڈقائم کئے ،سابقہ حکومتوں کی کرپشن، بدیانتی اور خزانہ خالی ہونے کا رونا کب ختم ہوگا، آٹا پھرمہنگا کر دیا گیا ایک بحران ختم نہیں ہوتا دوسرا سراٹھا لیتا ہے کپتان مافیا کے مقابلے اور خاتمے کی بجائے اس کا حصہ بن گئے ،ملک لوٹنے والوں کوہرطرح کی آزادی اورحکمرانوں کیآشیربادحاصل ہے عمران خان نے2سالوں میں عوام کودکھوں کے سونامی میں ڈبودیا، غیراعلانیہ لوڈشیڈنگ اورلووولٹیج نے عوام کی زندگی اجیرن کردی ہے۔ 22برسوں تک بھٹی میں ڈال کرکندن
بنائے گئے تحریک انصاف کے وہ ارسطوکہاں ہے جنھوں نے عوام کے مسائل کو حل کرناتھا۔ان خیالات کا اظہار انھوں نے ذمہ داران کے مشاورتی اجلاس سے خطاب اور عوامی وفودسے گفتگو کرتے ہوئے کیا۔ راجا محمد جواد نے کہاکہ چینی ،آٹامافیا کوسزادینا حکمرانوں کی ترجیح نہیں عوام کوان لٹیروں کے رحم وکرم پرچھوڑ دیا گیا ملکی ادارے کرپشن کے خاتمے اور غریب کوریلیف دینے کی بجائے ملک لوٹنے والے سرمایہ داروں اور جاگیرداروں کوتحفظ فراہم کرنے میں لگے ہیں ،عوام مہنگی چینی ،آٹا اور بجلی و گیس لینے پر مجبور ہے ۔انہوں نے کہا کہ جب تک عوام سچے دل سے توبہ و استغفار کرکے اپنے سابقہ گناہوں کی معافی نہیں مانگتے اور آئندہ دیانتدار اور خوف خدا رکھنے والی قیادت کا ساتھ نہیں دیتے ،پریشانیوں اور مصیبتوں سے چھٹکارا نہیں مل سکتا۔نظام مصطفی ﷺ ہی پاکستان کو ایک اسلامی و فلاحی اورمسائل سے پاک ریاست بنا سکتا ہے ۔ راجا محمدجواد نے کہاہے حکومتی ٹیم نااہلوں کا ٹولہ ہے جس نے دوسال میںناکامی کے عالمی ریکارڈقائم کئے ،سابقہ حکومتوں کی کرپشن، بدیانتی اور خزانہ خالی ہونے کا رونا کب ختم ہوگا، آٹا پھرمہنگا کر دیا گیا ایک بحران ختم نہیں ہوتا دوسرا سراٹھا لیتا ہے کپتان مافیا کے مقابلے اور خاتمے کی بجائے اس کا حصہ بن گئے ،ملک لوٹنے والوں کوہرطرح کی آزادی اورحکمرانوں کی آشیربادحاصل ہے