پولیس اہلکاروں پر ممکنہ حملوں کا خطرہ،ڈیوٹی پر آتے جاتے وقت یہ کام کریں، احکامات جاری

  اتوار‬‮ 5 جولائی‬‮ 2020  |  0:14

کراچی(این این آئی)شہر قائد میں پولیس اہلکاروں پر ممکنہ حملے کے خطرے کے پیش نظر نئی ایس او پی تیار کرلی گئی ہیں۔رپورٹ کے مطابق کراچی میں پولیس اہلکاروں پر ممکنہ حملے کے خطرے کے پیش نظر نئی ایس او پی تیار کرلی گئی جس کے مطابق پولیس افسران و اہلکار ڈیوٹی پر آتے اور جاتے وقت وردی، جوتے نہیں پہنیں گے۔ایس او پی کے مطابق پولیس اہلکار ڈیوٹی پر آتے یا جاتے ہوئے مختلف راستوںکا انتخاب کریں، ڈیوٹی ختم ہونے کے بعد بھی وردی نہ پہنی جائے۔پولیس حکام کے مطابق ایس او پر عملدرآمد نہ کرنے پر محکمہ جاتی


کارروائی عمل میں لائی جائے گی، نئی ایس او پی گزشتہ روز پولیس اہلکار کی شہادت کے بعد جاری کی گئی ہے۔واضح رہے کہ گزشتہ روز کراچی کے علاقے محمود آباد میں نامعلوم موٹر سائیکل سوار ملزمان کی فائرنگ سے پولیس اہلکار نعمان جاں بحق ہوگیا تھا۔


موضوعات: