میرپور ماتھیلو(این این آئی)میرپور ماتھیلو کے نواحی گاؤں صبڑ بوذدار کا گیارہ سالہ بچہ سات سال سے بلڈ کینسر جیسے موذی مرض میں مبتلا بچے کے غریب والدین نے جمع پونجی، مال مویشی، زرعی زمین بیچ کر لاکھوں روپے علاج پر لگا دیئے لیکن بچہ ٹھیک نہ ہوسکا، وائیٹ سیلز کی تعداد چار لاکھ سے کم ہو کر تیس ہزار رہ گئی ورثا علاج کے لئے مسیحا کے منتظر، تفصیلات کے مطابق گاں صبڑ بوذدار کے رہائشی گاہی بوذدار کا گیارہ سالہ بیٹا غلام یاسین سات سال سے موذی مرض بلڈ کینسر میں
مبتلا ہے والد گاہی بوذدار کے مطابق میں نے اپنے بیٹے کے علاج کے زرعی زمین، دو بھینسیں، اور دیگر گھریلو قیمتی سامان فروخت کرکے سکھر، ملتان اور لاہور سے علاج کرایا مگر کوئی افاقہ نہیں ہوا میرے بیٹے کا بلڈ گروپ او پازیٹو ہے جو اب مشکل سے ملتا ہے وائیٹ سیلز بھی چار لاکھ سے کم ہوکر تیس ہزار ہوگئے ہیں میرے پاس بیٹے کے علاج کے لئے اب کچھ نہیں انھوں نے مخیر حضرات اور حکومت سے اپیل کی ہے کہ میرے بیٹے کی زندگی بچائی جائے اور اس کا علاج کرایا جائے
