اسلام آباد(آن لائن ) وفاقی وزیر مواصلات مراد سعید نے قومی ایئرلائن کی تباہی کی ذمہ دار حزب اختلاف کی دونوں بڑی جماعتوں پیپلزپارٹی اور مسلم لیگ ن کو قرار دیتے ہوئے تفصیلات قوم کے سامنے رکھ دیں ۔ سماجی رابطوں کی ویب سائٹ ٹوئٹر پر اپنے ایک ٹوئٹ میں مراد سعید نے کہا کہ انکوائری رپورٹ نے واضح کر دیا کہ سی اے اے کے جاری کردہ تمام مشتبہ لائسنس پیپلز پارٹی اور

نون لیگ کے ادوارِ حکومت میں جاری ہوئے۔تحقیقاتی رپورٹ کے مطابق پیپلز پارٹی کے دور میں 56 جبکہ 180ن لیگ کے دور میں 180 مشتبہ لائسنسز جاری ہوئے۔تحقیقات کے نتیجے میں شاہد خاقان عباسی،مشاہد اللہ اور شجاعت عظیم کی سرپرستی اور مشکوک کردار بھی سامنے آچکاہے۔ملکی اداروں کو تباہ کرنے اور زندگیاں داو پر لگانے والوں سے کیا پھر بھی ہم سوال نہ پوچھیں؟