عوام کیلئے بڑی خوشخبری ، 20کلوآٹے کے تھیلے کی قیمت میں 200روپے کی کمی ،حکومت نے نئی قیمت کا اعلان کر دیا

  جمعہ‬‮ 3 جولائی‬‮ 2020  |  11:02

اسلام آباد(مانیٹرنگ ڈیسک)پنجاب حکومت نے 20 کلو آٹے کے تھیلے کی قیمت 850 روپے مقررکردی، جب کہ فلور ملز کو سرکاری گندم 1475 روپے من فراہم کی جائے گی۔نجی ٹی وی رپورٹ کے مطابق وزیراعلیٰ پنجاب عثمان بزدار کی زیرصدارت پنجاب کابینہ کا اجلاس ہوا جس میں کابینہ نے 20 کلو آٹے کے تھیلے کی قیمت 850 روپے مقرر کرنے کی منظوری دی۔سرکاری گندم کے اجراء سے مارکیٹ میں 20 کلو آٹے کا تھیلا 1050 روپےسے کم ہوکر 850 روپے پر دستیاب ہوگا جب کہ کابینہ نے فلور ملز کو قبل از وقت گندم ریلیز کرنے کی بھی منظوری دے


دی ہے۔پنجاب کابینہ نے فلور ملز کے لیے سرکاری گندم کی قیمت 1475 روپے من مقرر کی ہے اور محکمہ خوراک صرف فنکشنل فلور ملز کو سرکاری گندم کا کوٹہ دے گا۔ صوبائی کابینہ نے محکمہ خوراک سے ٹارگٹڈ سبسڈی کے لیے جامع منصوبہ بھی طلب کرلیا جب کہ محکمہ خوراک 30 روز میں اپنی حتمی سفارشات پیش کرے گا۔


موضوعات: