اسلام آباد(مانیٹرنگ ڈیسک )فواد چودھری لائیو پروگرام کے دوران شراب پیتے ہیں ، انہیں اتنا بھی پتہ نہیں جب میڈیا کے سامنے بیٹھنا ہو تو کیسے بیٹھا جاتا ہے ؟ ۔ نجی ٹی وی پروگرام میں گفتگو کرتے ہوئے فیاض الحسن چوہان نے فواد چودھری پر سنگین الزامات کی بوچھاڑ کر دی ، صوبائی وزیر فیاض الحسن چوہان کا کہنا تھا کہ فواد چودھری لائیو پروگرام میں شراب پیتے ہیں انہیں یہ بھی نہیں پتہ کہ

میڈیا میں کیسے بیٹھا جاتا ہے ، آدھی دنیا شراب پیتی ہے ، اگر مسلمان معاشرے کی بات نہ بھی کریں تو غیر ملکی میڈیا پر بیٹھنے کے آداب ہوتے ہیں ۔ ان کا مزید کہنا تھا کہ فواد چودھری کبھی علمائے دین کیخلاف بولتے ہیں تو کبھی اپنی پارٹی کیخلاف بولنا شروع کر دیتے ہیں ۔ مجھے پارٹی سے 7دفعہ نکالا گیا لیکن میں ہمیشہ پارٹی کے دفاع کیلئے ڈٹ کر کھڑا رہا ہوں ۔ دریں اثنا وفاقی وزیر سائنس اینڈ ٹیکنالوجی فواد چوہدری کے متنازعہ انٹرویو کے بعد حکمران جماعت پاکستان تحریک انصاف کے اندر سے بھی آوازیں اٹھنا شروع ہو گئی ہیں ، پنجاب کے وزیر اطلاعات فیاض الحسن چوہان نے کہا ہے کہ فواد چوہدریاختلاف اور غیر ذمہ دارانہ رویے کا مظاہرہ کرتے ہیں، یہ کسی جگہ ٹک کر نہیں بیٹھ سکتے۔ان کا کہنا تھا کہ جن لیڈرز کا انہوں نے نام لیا وہ عمران خان کی قیادت میں متحد اور متفق ہیں۔فیاض الحسن چوہان نے فواہد چوہدری سے مطالبہ کیا کہ عمران خان ٹیم بنانے میں ناکام ہے تو آپ استعفیٰ دے دیں، میں عمران خان کے علاوہ کسی لیڈرشپ کو کوئی نہیں مانتا۔یاد رہے ایک حالیہ انٹرویو میں فواد چوہدری نے جہانگیر ترین اور اسد عمر کے درمیان رسہ کشی کا انکشاف کیا اور بتایا کہ اسد عمر کی وزارت جانےکے پیچھے کس کا ہاتھ تھا، پہلے جہانگیر ترین نے اسد عمر کو نکلوایا اور پھر اسد عمر نے جہانگیر ترین کی چھٹی کرادی۔

موضوعات:فواد چودھری فیاض الحسن چوہان