لاہور(این این آئی) کرونا ہیلتھ اور سیکورٹی چیک کے باعث ہونے والی تاخیر کی وجہ پی آئی اے نے چیک ان بند ہونے کے اوقات جاری کردئیے ۔اندرون ملک پروازوں کے لئے چیک ان کائونٹرز اب پرواز کی روانگی سے 45 منٹ قبل بند کر دیئے جائیں گے۔ بین الاقوامی پروازوں کی
روانگی سے ایک گھنٹہ پندرہ منٹ قبل چیک ان کائونٹرز بند کر دئے جائیں گے۔ترجمان پی آئی اے کا کہنا ہے کہ مسافروں سے درخواست کی ہے کہ وہ اپنی مطلوبہ پرواز کے لئے وقت رکھ کر ائیر پورٹ تشریف لائیں ۔ اوقات پرفوری طور پر عمل درآمد شروع کر دیا گیا ہے۔
