اسرگودھا(این این آئی)سرگودھا شہر کے روحانی پیشوا کے نماز جنازہ میں بیٹے سمیت درجنوں عقیدت مندوں کی جیبیں کٹ گئیں جبکہ لوگوں کی بڑی تعداد نے شرکت کر کے کورونا کی احتیاطی تدابیر ،سماجی فاصلہ،ایس او پیز کو ہوا میں اڑا دیا۔جبکہ روحانی شخصیت کا دربار بنانے کے لئے گھر کے حصہ میں ہی سپردخاک کر دیا گیا۔ذرائع کے مطابق سرگودھا شہر کے آستانہ کی روحانی شخصیت پیر
جاوید قادری شوگر کے شدید حملہ کے باعث انتقال کر کے گے جن کی نمازجنازہ گراونڈ میں ادا کر کے تدفین گھر کے ایک حصہ میں کر دی گئی جہاں ان کا دربار بنایا جائے گا۔جبکہ مرحوم پیر کی نماز جنازہ میں اس کے بیٹے اور منہ بولے بھائی سمیت درجنوں عقیدت مندوں کی جبیں کٹ گئیں جبکہ لوگوں کی کثیر تعداد نے شرکت کر کے ایس اوپیز کو ہوا میں اڑا دیا اور مرحوم کے اچانک انتقال پر عقیدت مندوں کے سوگ کے باعث علاقہ کی فضا تاحال سوگوار نظر آ رہی ہے جہاں دور دراز سے دم درود آنے کے لئے والے لوگ پیر کے لئے فاتحہ خوانی میں مشغول نظر آرہے ہیں۔
