اسلام آباد(این این آئی)سابق وزیراعظم میاں نوازشریف کے ذاتی معالج ڈاکٹر عدنان نے کہا ہے کہ نواز شریف کو روزانہ چہل قدمی کرنے کا مشورہ دیا گیا ہے۔ڈاکٹر عدنان نے اپنے ایک بیان میں کہا کہ برطانیہ میں لاک ڈاؤن میں نرمی کے بعد نواز شریف کو جسمانی سرگرمیوں میں حصہ لینے کا مشورہ دیا گیا ہے۔انہوں نے کہا کہ چہل قدمی امراض دل، ذیابطیس اور ہائپر ٹینشن

کے امراض کے لیے بہت ضروری ہے۔یہ افسوسناک بات ہے کہ اگر ایک مریض علاج کے دوران ورزش یا چہل قدمی کرے تو اسے متنازع بنادیا جاتا ہے۔ڈاکٹر عدنان نے کہا کہ کوئی ابہام نہیں کہ نوازشریف کی تصویروں کو بدنیتی کی بنیاد پر جاری کیا گیا ہو۔انہوں نے کہا کہ نواز شریف کی ایک جھلک سے ان کے ورکرز اور چاہنے والوں کے جذبے میں نئی جان پڑگئی۔