اسلام آباد (این این آئی)اسلام آباد ہائی کورٹ کے جسٹس میاں گل حسن اورنگزیب کے سیکرٹری اوراسسٹنٹ رجسٹرار حاجی شاہد بھی کورونا میں مبتلا۔ میڈیا رپورٹ کے مطابق منگل کو جسٹس غلام اعظم قمبرانی کے دوسرے سٹینو عبد الرحمن عباسی میں بھی کورونا کی تصدیق ہوگئی ،کورونا کیسز کی وجہ سے جسٹس فیاض احمد جندران اور

جسٹس غلام اعظم قمبرانی نے کیسز کی سماعت نہیں کی،دوسری جانب اسلام آباد ڈسٹرکٹ بار کے صدر ظفر کھوکھر کا کورونا ٹیسٹ پازیٹو آگیا،بار صدر ظفر کھوکھر نے کورونا میں مبتلا ہونے کی تصدیق کردی۔ انہوںنے کہاکہ میرے کرونا ٹیسٹ کی رپورٹ پوزیٹو آئی ہے۔انہوںنے کہاکہ تمام احباب خود بھی احتیاط کریں اپنے پیاروں کو بھی احتیاط کا مشورہ دیں۔‎

موضوعات:اسلام آباد ہائی کورٹ