پشاور (این این آئی)خیبر پختون خوا کے دارالخلافہ پشاور میں واقع لیڈی ریڈنگ ہسپتال میں کورونا وائرس کی مشتبہ مریضہ انتقال کر گئی جس کے بعد خاتون کے لواحقین نے ہسپتال میں توڑ پھوڑ کی۔ترجمان لیڈی ریڈنگ ہسپتال (ایل آر ایچ) 50 سالہ مریضہ کو گزشتہ رات شب قدر کے علاقے سے تشویش ناک حالت میں لایا گیا تھا۔ترجمان ایل آر ایچ کا کہنا ہے کہ انتقال کر جانے پر مریضہ کے رشتے داروں نے لیڈی ریڈنگ ہسپتال کے کورونا کمپلیکس کا دروازہ توڑ دیا۔ایل آر ایچ کے ترجمان کا کہنا
ہے کہ ہسپتال کا عملہ دن رات کورونا وائرس کے مریضوں کی خدمت پر مامور ہے۔فوت ہو جانے والی خاتون کے بیٹے شہزاد ایڈووکیٹ کا اس حوالے سے میڈیا سے گفتگو کرتے ہوئے کہنا ہے کہ فوت ہونے والی مریضہ میں کورونا کی علامات نہیں تھیں۔انہوں نے کہا کہ مریضہ دل کے عارضے میں مبتلا تھیں، ڈاکٹروں نے مریضہ کے علاج کے بجائے ان کا کورونا وائرس ٹیسٹ کرانے کا کہا۔شہزاد ایڈووکیٹ کا کہنا ہے کہ ڈاکٹروں نے مریضہ کو دل کے بجائے کورونا وارڈ میں منتقل کر دیا، والدہ کی حالت غیر ہونے پر ڈاکٹروں سے تکرار ہوئی۔
