کراچی (آن لائن)مسلم لیگ (ن) کے ایک اور سینئر رہنما سینیٹر نہال ہاشمی کورونا وائرس کا شکار ہوگئے۔ نہال ہاشمی نے وائرس کی تصدیق کے بعد خود کو قرنطینہ منتقل کرلیا۔تفصیلات کے مطابق ترجمان مسلم لیگ (ن) مریم اورنگزیب نے نہال ہاشمی کے کورونا وائرس میں مبتلا کی تصدیق کرتے ہوئے بتایا کہ لیگی رہنما نے ٹیسٹ رپورٹ مثبت آنے پر خود فوری طور پر گھر میں ہی قرنطینہ کر لیا ہے ان کا کہنا تھاکہ گزشتہ ہفتے لیگی رہنما کو کورونا وائرس سے متعلق علامات ظاہر ہو رہی تھیں جس کے بعد انہوں نے کورونا ٹیسٹ کرائے جس کی
رپورٹ مثبت آئی ہے۔خیال رہے کہ گزشتہ روز خیبرپختونخوا میں مسلم لیگ (ن) کے صدر انجینئر امیر مقام کورونا وائرس کا شکار ہو گئے تھے اور انہوں نے خود کو قرنطینہ منتقل کرلیا تھا۔21 مئی کو مسلم لیگ (ن) کے ڈپٹی سیکریٹری جنرل عطااللہ تارڑ بھی کورونا وائرس کا شکار ہوگئے تھے۔
