اسلام آباد (مانیٹرنگ ڈیسک) وزیراعظم عمران خان کے اندر بھی ایک ارطغرل چھپا ہوا ہے، اس بات پر شیخ رشید احمد نے کہا کہ میں ڈرامے نہیں دیکھتا، وزیراعظم عمران خان نے ایک کتاب بھی Recommend کی ہے آج کل میں خود بھی کتاب فرزند پاکستان کو مکمل کر رہا ہوں۔

میں بڑی عید تک یہ کتاب مکمل کر لوں گا، ہم نیوز نے شیخ رشید احمد سے سوال کیا کہ اس کتاب میں انکشافات ہوں گے، تو اس موقع پر شیخ رشید احمد نے جواب دیا کہ اگر میں بہت زیادہ سچ لکھوں گا تو بہت بڑا طوفان آ جائے گا کیونکہ یہاں سیاستدان وہ نہیں ہے جو دکھائی دیتا ہے۔ یہ میٹنگ میں کچھ ہے، مذاکرات میں کچھ ہے، بارگینگ میں کچھ ہے، این آر او مانگتے ہوئے کچھ ہے، ٹی وی کے سامنے کچھ ہے، سوال کیا گیا کہ پبلک پھر کیسے اعتبار کرے، تو شیخ رشید احمد نے کہا کہ بس میں نے بہت زیادہ سچ لکھا تو میری کم بختی آ جائے گی، ایک کتاب ایسی لکھنا چاہ رہا ہوں جو میرے مرنے کے دس سال بعد چھپے، لوگوں نے یہاں بڑا جھوٹ بولا ہوا ہے، میں خود پچھتا رہا ہوں، آٹھ نو سال سے میں نے جھوٹ بولنا چھوڑ دیا ہے، معاشرہ ہی جھوٹ کا ہے۔

موضوعات:کیا عمران خان کے اندر ایک ارطغرل چھپا ہوا ہے؟