اسلام آباد(مانیٹرنگ ڈیسک)شاہد آفریدی وزیراعظم عمران خان کی سیاست کیلئے خطرہ قرار ، مسلم لیگ ن نے بڑا دعویٰ کر دیا ۔ تفصیلات کے مطابق ن لیگی رکن پنجاب اسمبلی عظمی بخاری نے صحافیوں سے گفتگو کرتے وئے کہا ہے کہ ایک ایسا کھلاڑی جس نے کھیل کے نام پر چندہ جمع کیا اور اس میں بیشتر کھا گیا اس صورتحال کو دیکھتے ہوئے ہر کھلاڑی میں یہ خواہش دکھائی دے رہی ہے کہ

وہ وزیراعظم عمران خان کے نظریے کو مدنظر رکھ کر پاکستان کا وزیراعظم بن سکتا ہے ۔ انہوںنے شاہد آفریدی کومشورہ دیتے ہوئے کہا ہے کہ وہ وزیراعظم عمران خان سے شارٹ کٹ کے ٹوٹکے لیں جن پر عمل کر کے وہ خود وزارت عظمی کے منصب تک پہنچے ہیں ۔ کیونکہ ہمار ا مقابلہ وزیراعظم کے ٹوٹکے ہی کر سکتے ہیں ۔ عظمی بخاری کا کہنا تھا کہ شاہد آفریدی کس لائن پر چل رہے ہیں جس لائن پر وہ جارہے ہیں وہ بالکل صحیح ہے ۔ انہوں نےشاہد آفریدی کو وزیراعظم عمران خان کی سیاست کیلئے خطرہ قرار دیتے ہوئے کہا ہے کہ عمران خان صاحب کو آگاہ کرتی کہ اانے والے وقتوں میں شاہد آفرید ی ان کی سیاست کیلئے ایک خطرہ بن سکتے ہیں ۔ میں نے تین سال پہلے جب شاہد آفریدی نے سیاست سے ریٹائرمنٹ لی تب کہہ دیا تھا کہ وہ سیاست میں آئیں گے