اسلام آباد (این این آئی)قومی اسمبلی کے اجلاس کے دوران ایم این اے منیر اورکزئی کی طبعیت بگڑ گئی، پولی کلینک ہسپتال منتقل کر دیا گیا ۔ تفصیلات کے مطابق خیبرپختونخوا سے تعلق رکھنے والے پشتونخوا ملی عوامی پارٹی کے رہنما اور رکن قومی اسمبلی منیر اورکزئی میں کورونا وائرس کی تشخیص ہوئی تھی اور وہ حال ہی میں صحتیاب ہوئے ہیں۔منیر اورکزئی صحتیابی کے بعد قومی اسمبلی کے اجلاس میں شرکت کے لیے پہنچے جہاں ان کی اچانک طبعیت بگڑ گئی۔ڈپٹی اسپیکر نے منیر اورکزئی کے لیے
فوری ڈاکٹرز کو طلب کیا جب کہ اس دوران کئی ارکان اسمبلی نے ان کو سنبھالا دیا تاہم کچھ دیر بعد منیر اورکزئی کو پولی کلینک منتقل کردیا گیا۔ہسپتال منتقلی کے دور ان منیر اور کزئی کی طبیعت میں کچھ بہتری آئی اور ویل چیئر سے خود اٹھ کر ایمبولینس میں بیٹھے۔ بلڈ پریشر کے باعث کے رکن قومی اسمبلی دوران اجلاس اپنی نشست پر گر ے ۔ ہسپتال منتقلی کے دور ان صحافی نے سوال کیا کہ آپ کی طبیعت کیسی ہے؟ جس پر منیر اورکزئی نے جواب دیا کہ میں اب خود کو بہتر محسوس کررہا ہوں۔
