اسلام آباد(این این آئی) ترجمان پاکستان تحریک انصاف نے کہا ہے کہ پاکستان پوسٹ عوامی خدمت میں مصروف ہے ۔ ترجمان کے مطابق وزیراعظم عمران خان کی ہدایت پاکستان پوسٹ کا ڈاکیا بوڑھے پنشنرز کیلئے بنا خوشیوں کا پیغامبر ، ترجمان کے مطابق عید کے باعث معمول ہی کی نہیں بلکہ ایک ماہ کی پیشگی پنشن بھی ریٹائرڈ ملازمین کی دہلیز پر بحفاظت ملنے لگی ۔
ترجمان نے کہاکہ کروناء کے باعث پاکستان پوسٹ نے پچھلے مہینے لاکھوں پنشنرز کی گھروں کی دہلیز پر واجبات پہنچائے ۔ترجمان کے مطابق پنشز دینے کا سلسلہ اس مہینے بھی کامیابی سے جاری ہے ، عید الفطر کی آمد سے قبل اگلے ماہ کی پنشن پیشگی ملنے پر بوڑھے ملازمین نہایت خوش ہیں ۔ ترجمان کے مطابق بوڑھے پنشنرز وزیراعظم عمران خان، وزیر مواصلات مراد سعید اور پاکستان پوسٹ کے مشکور ہیں ۔ ترجمان کے مطابق پنشن کی تقسیم کے دوران پاکستان پوسٹ کے عملے اور پنشنرز کی صحت و سلامتی کا خصوصی اہتمام کیا گیا ،واجبات کی تقسیم کے عمل میں حصہ لینے والا عملہ ہاتھ منہ اچھی طرح ڈھانپ کر ضعیف ملازمین تک پہنچ رہا ہے۔ ترجمان کے مطابق واجبات کی تقسیم میں ملازمین کے ساتھ سینئر ترین عہدہ دار و افسران بھی پیش پیش ہیں ۔
