لاہور( آن لائن )احسن اقبال کو احساس پروگرام کے نام سے پیغام موصول ، ٹویٹ کرنے پر شہریوں کے دلچسپ تبصرے آنے لگے۔ تفصیلات کے مطابق سابق وزیر و رہنما مسلم لیگ ن احسن اقبال کی جانب سے سماجی رابطے کی ویب سائٹ پر ایک پیغام جاری کیا گیا ، جس میں انہوں نے ایک میسج کا سکرین شاٹ لگایا۔ احسن اقبال نے لکھا کہ اندازہ کرین کیسے پیسے بانٹے جارہے ہیں ۔
انہوں نے کہا کہ احساس امداد کے نام پر لوگوں کے ساتھ فراڈ ہو رہے ہیں۔ مجھے بھی احساس امداد کے نام سے میسج موصول ہوا۔ احسن اقبال کا ٹویٹ سامنے آتے ہی حکومتی عہدیداروں سمیت صارفین کی جانب سے دلچسپ تبصرے کئے جانے لگے۔رہنما تحریک انصاف شہباز گل نے احسن اقبال کو تنقید کا نشانہ بناتے ہوئے ردعمل دیا حکومت کی جانب سے احساس پروگرام کے تحت موصول ہونے والے میسج صرف 8171 سے ہی موصول ہوتے ہیں۔جبکہ آپ کو کسی کے موبائل نمبر سے میسج موصول ہے۔ انہوں نے مزید لکھا کہ آپ ساری زندگی اصل اور نقل میں فرق نہیں کر سکے، شہباز گل نے کہا کہ اب پیسے لینے احساس سنٹر مت جائیے گا ورنہ فراڈ کیس میں جیل بھی ہو سکتی ہے۔ اور پھر آپ کہیں گے کہ انتقامی سیاست کی جا رہی ہے۔شہبا ز گل نے لکھا کہ نادر کے ریکارڈ کے مطابق شاید سعودی اقامے کے مطابق بے روزگار ہوں ، جس کی وجہ سے آپ کو میسج آیا تاہم احساس پروگرام کے تحت واٹس ایپ پر میسج نہیں کیا جاتا۔ایک صارف نے لکھا کہ کیسے کیسے لوگ ہم پر حکمرانی کرتے رہے ہیں جنہیں آصل اور نقل کا نہیں پتہایک صارف نے لکھا کہ بھیجنے والے نے سوچا ہوگا کہ شاید احسن اقبال بے روزگار ہو گئے ہیں۔ صارفین کی جانب سے احسن اقبال کو موصول ہونے والا میسج جعلی قرار دے دیا گیا۔
