اسلام آباد (این این آئی) کوریا پاکستان میں کورونا کی روک تھام کے لیے ورلڈ ہیلتھ آرگنائزیشن کے ذریعے 3 لاکھ ڈالرز کی امداد فراہم کرے گا۔کورین سفارتخانہ کے مطابق کورین کمپنیوں نے بھی کوویڈ 19 کے لئے پاکستان کو 47 ہزار امریکی ڈالر اضافی رقم فراہم کرنے میں مدد کی۔کورین سفارتخانہ کے مطابق امید ہے یہ رقم پاکستان میں کورونا وائرس کی روک تھام

میں معاونت فراہم کرے گی۔کورین سفیر کوک سانگ کیو نے کہاکہ پاکستان میں گزشتہ کئی ہفتوں سے کورونا کے کیسز میں تیزی سے اضافہ ہوا ہے،پاکستان میں کورونا کیسوں میں مزید اضافے کی توقع کی جارہی ہے۔ نمائندہ ڈبلیو ایچ او کے مطابق کوریا کی مدد سے ڈبلیو ایچ او کو پاکستان میں کورونا کے خلاف سرگرمیاں بڑھانے میں مدد ملے گی۔