اسلام آباد (این این آئی)نیب نے یوسف عباس شریف کی ضمانت کا فیصلہ سپریم کورٹ میں چیلنج کر دیا ۔ جمعرات کو دائر درخواست میں کہاگیا کہ لاہور ہائیکورٹ کا 18 فروری کا فیصلہ کالعدم قرار دیا جائے،یوسف عباس شریف کی ضمانت منسوخ کی جائے۔ درخواست میں کہاگیاکہ لاہور ہائیکورٹ نے حقائق کا درست جائزہ نہیں لیا،یوسف عباس شریف کو ضمانت دینے کیلئے
ہارڈشپ کا کوئی معاملہ نہیں تھا۔موقف اختیار کیاگیاکہ یوسف عباس چوہدری شوگر ملز کے سی ای او رہ چکے ہیں ،چوہدری شوگر ملز کرپشن میں یوسف عباس شریف کا کلیدی کردار رہا۔ موقف اختیار کیاگیاکہ نواز شریف کیساتھ ملکر یوسف عباس شریف نے اربوں روپے کی کرپشن کی،یوسف عباس شریف نے نواز شریف سے قریبی رشتہ ہونے کا ناجائز فائدہ اٹھایا۔
