اسلام آباد(مانیٹرنگ ڈیسک) سانگلہ ہل میں ملازمین سرکاری ہسپتال کی تقریبا 22 لاکھ روپے مالیت کی ادویات چوری کر کے بازار میں بیچنے کے لیے لے جاتے ہوئے رنگے ہاتھوں پکڑے گئے۔10ہزار روپے رشوت دینے کی پیشکش کردی۔ تفصیلات کے مطابق سوشل میڈیا پر ایک ویڈیو تیزی سے وائرل ہو رہی ہے جس میں دیکھا جاسکتا ہے کہ ملازمین سرکاری
ہسپتال کی ادویات چوری کر نے کی کوشش کے دوران پکڑے گئے ، اس موقع پر تحریک انصاف کے مقامی رہنما بھی پہنچ گئے اورخود ادویات کا معائنہ کیا، ادویات ایکسپائز نہیں تھیں اور اس پر ناٹ فارسیل لکھا ہواتھا، ملازمین نےکہا کہ انہیں سٹور کیپر نے ڈسپوز کرنے کا کہا ،طلب کرنے پرپولیس بھی آگئی اور دونوں افراد کو گرفتار کر کے لے گئی اور ادویات سے بھرا بورا ساتھ لے گئے۔
