ٹھٹھہ(نیوز ڈیسک) سندھ کے ایک گاؤں میر ہزار خان جوکھیو کے باشندوں نے گنج کرانا شروع کر دیا۔ ان افرا د کا کہنا تھا کہ وہ کرونا وائرس سے بچنے کے لئے مختلف تدابیر کر رہے ہیں، گنجے ہونے والے افراد نے بتایا کہ اب تک گاؤں میں 62 افراد گنج کرا چکے ہیں، انہوں نے یہ بھی بتایا کہ دیگر افراد بھی کرونا وائرس سے بچنے کے لئے سر منڈوانے کے لئے تیار بیٹھے ہیں۔ یہ ویڈیو اسلم خواجہ

نے سماجی رابطے کی ویب سائٹ پر جاری کی ہے، جس میں دیکھا جا سکتا ہے کہ لوگ سر منڈوانے کے لئے ایک نائی کے پاس جمع ہیں اور اس دوران انہوں نے کرونا وائرس سے بچنے کے لئے کوئی حفاظتی اقدام بھی نہیں کئے ہوئے۔ علاقہ مکینوں کا کہنا ہے کہ کرونا کا علاج گرمی میں ہے اور اس سے گنج گروانے سے بچا جا سکتا ہے۔