اسلام آباد (مانیٹرنگ ڈیسک)پاکستان میں ہر گزرتے دن کیساتھ کرونا وائرس کے مریضو ں کی تعداد میں روزانہ کی بنیاد پر تشویشناک اضافہ ہو رہا ہے ۔ وزیراعلی سندھ مراد علی شاہ کا کہن اتھا کہ سندھ سمیت پاکستان میں بڑھتی کرونا وائرس کے مریضوں کی تعداد انتہائی تشویشناک ہے ۔

اگر دنیا کے مقابلے میں پاکستان کو دیکھا جائے تو ہمارے ہاں کرونا وائرس زیادہ بڑھ رہا ہے ، ہمارے ہاں 87فیصد کیسز بڑھے ہیں ۔ ان کا کہنا تھا کہ ہماری استعداد ہوتی تو شاید کیسز بہت زیادہ سامنے آتے لیکن ہم نے ٹیسٹ ہی بہت کم کیے ہیں ۔ ان کا کہنا تھا پاکستان میں کرونا وائرس کے ٹیسٹ کے صلاحیت کو بڑھانا ہو گا اور کرونا وائرس کے پھیلائو سے روکنا ہو گا ۔ یاد رہے کہ پاکستان میں پہلا کیس 26فروری کو سامنے آیا تھا جو ایران سے پاکستان میں داخل ہو تھا ۔ 26فروری کے بعد پاکستان میں مریضوں کی تعداد میں حیرت انگیز اضافہ ہوا ہے اب تک پاکستان میں کرونا وائرس کے مریض کی تعداد 2458ہو گئی ہے جبکہ آج دو اموات کے بعد جاں بحق ہونے والوں کی تعداد 37ہو گئی ۔ اب روزانہ کی بنیاد میں پاکستان میں تقریباً 150نئے کیسز رپورٹ ہو رہے ہیں جبکہ اوسطاً یومیہ 5ہلاکتیں بھی ہورہی ہیں ۔