اسلام آباد(مانیٹرنگ ڈیسک) خیبرپختونخوا میں وفاقی کابینہ نے پاک فوج تعینات کرنے کی منظوری دے دی۔ کرونا وائرس کے تناظر میں خیبرپختونخوا حکومت نے لاک ڈاؤن پر عمل درآمد میں سول انتظامیہ کی مدد کے لیے وفاقی حکومت سے فوج تعینات کرنے کی درخواست کی تھی۔

کابینہ سے وزارت داخلہ نے خیبرپختونخوا میں فوج تعینات کرنے کی استدعا کی تھی، کابینہ نے سرکولیشن سمری کے ذریعے صوبے میں فوج تعینات کرنے کی منظوری دی، پاک فوج کابینہ کی منظوری کے بعد سول انتظامیہ کی مدد کے لیے خیبرپختون خوا میں تعینات ہوگی۔