اسلام آباد (این این آئی)پاکستان تحریک انصاف کے رہنما فیصل جاوید نے کورونا ٹائیگر فورس سے متعلق اپوزیشن کا اعتراض مسترد کرتے ہوئے کہا ہے کہ ٹائیگر فورس صرف فلاحی کاموں کیلئے ہے، اس کا کوئی سیاسی پہلو نہیں۔ جمعرات کو ایک انٹرویو میں فیصل جاوید نے کہا کہ وزیر اعلیٰ پنجاب جوترقیاتی کام کررہے ہیں ان کی تصویر کہیں نظر نہیں آئے گی۔انہوں نے کورونا ٹائیگرفورس
کے سیاسی پہلو کو مسترد کرتے ہوئے کہا کہ ٹائیگر فورس صرف فلاحی کاموں کے لیے ہے اس کا کوئی سیاسی پہلو نہیں، اس میں گلی محلوں کے نوجوان رجسٹرڈ ہوں گے اور جو لوکل گورنمنٹ کا حصہ رہے وہ بھی ٹائیگرفورس کا حصہ بن سکتے ہیں۔فیصل جاوید نے بتایا کہ ٹائیگر فورس میں ابھی تک ڈیڑھ لاکھ افراد رجسٹرڈ ہوچکے ہیں، نوجوان سیٹیزن پورٹل سے رجسٹریشن کراسکتے ہیں۔
